A pasada semana tivemos unha visita moi especial no cole, o Rei Gaspar!!
Chegou para vernos pero para non asustarnos quedou na porta e saudounos dende alí e deixounos un pequeno agasallo.
Despois dounos outra sorpresa o aparecer na pantalla grande para falar un ratiño con nós.
Xa metidos na época do Nadal de cheo fixemos o noso proxecto común das dúas aulas de un ano.
Unha árbore de Nadal que pintamos con pincel aínda que algún dos nosos peques emocionouse e acabou deixando o pincel para seguir coas mans.
Aquí podedes ver o progreso e o resultado da nosa fermosa árbore de Nadal.
Aquí vos deixamos un vídeo de como fixemos a nosa felicitación de Nadal de este curso, paso a paso. Esperamos que vos gustara!
Non hai Nadal sen panxoliñas.
Unha das nosas favoritas é aquela que di "Con mi burrito sabanero voy camino de Belén..."así que collemos pandeiretas, axouxeres, pandeiro e maracas e desfrutamos tocando e facendo moito, moito barullo.
Esta semana realizamos unha actividade que nos encantou. Trátase dunha provocación pedagóxica que consiste en presentarlles varios elementos e deixar que os nenos e nenas interactúen con eles de maneira libre. Nesta ocasión foron adornos de Nadal e vasos grandes.
A sorpresa que levaron foi a nosa mellor ferramenta e foi todo un éxito xa que tocaron, miraron e xogaron con todo e incluso remataron por facer trasvases dun recipiente a outro.
Unha das actividades que máis nos gusta nesta programación é facer un mural que despois quedará exposto na clase decorando e axudándonos a recordar o que aprendimos nestas semanas.
Mediante esta actividade traballamos vocabulario e psicomotricidade fina.
Encántanos velo e tocalo tódolos días!!
Nestas semanas traballamos coa programación da granxa, aproveitando o tirón que nos dou o Polo Pepe.
Entre outras actividades traballamos cos crebacabezas e xogamos cos diferentes animaliños da granxa que atopamos polas aulas.
Así traballamos vocabulario, coordinación ollo man, onomatopeias, etc. dunha forma lúdica.
Estes días estamos a recibir unhas visitas moi especiais no cole. Dentro das actividades da Semana de animación á lectura as familias tende...
