O Polo Pepe é grande, moi grande, ou iso parece porque cando nos poñemos a comparar resulta que aínda hai cousas máis grandes!
O outro día chegou a clase acompañado de dúas pelotas. As dúas parecían moi grandes pero, cando as puxemos a carón de Pepe, puidemos ver que unha era enorme e a outra máis pequena do que parecía.
Con semellantes pelotas a diversión e o movemento está asegurado!
Hoxe festexamos o Día do Neno.
Tódolos nenos e nenas teñen dereito a ter unha familia que os queira e os coide, que os arrope pola noite cando se van a durmir.
Por iso hoxe viñemos en pixama. Quedamos moi sorprendidos de ver a todos e todas en pixama, sobre todo as profes!
Estes días a Nin acompáñao un amigo moi especial do que estamos todos namorados e namoradas. Nada máis e nada menos que o Polo Pepe!
Veu para axudarnos a coñecer a granxa e os seus habitantes. Para comezar presentouse en persoa co seu conto e, coma sempre, deixounos cun sorriso enorme na cara.
Dende a súa canción ata pintar pequenos poliños, todo o que facemos con el é divertidísimo.
O esquío Nin é quen nos introduce nas actividades adicadas a esta estación.
Para agradecerllo adicamos un ratiño a pintar algunhas follas, castañas e landras coas que decoramos a súa casiña e a porta da nosa aula, na que puxemos unha árbore pintada por nós.
Como xa sabedes o outono ofrécenos moitos materiais naturais cos que podemos traballar dende distintos ámbitos.
Unha actividade que nos encanta son as provocacións. Son actividades de xogo libre no que presentamos , dunha forma atractiva visualmente, aquelo co que queremos traballar, neste caso os elementos do outono que nos trouxeron as familias.
Tocamos, ulimos, facemos trasvases, enchemos e baleiramos... e moitas outras cousas, mentres estamos en movemento libre.
Aínda que somos pequenos sabemos disfrutar das festas populares.
Polo Samaín decoramos un rincón da aula con morcegos, bruxas e algún monstruo dos que dan pouco medo. Ademáis fixemos, para ter un recordo, unha fantasma coa pegada dos nosos pés. Por último con panos e sábanas xogamos a ser fantasma. Moito medo non damos pero botamos unhas boas risas!
Estes días estamos a recibir unhas visitas moi especiais no cole. Dentro das actividades da Semana de animación á lectura as familias tende...
