Hoxe, 23 de febreiro, é o Día de Rosalía de Castro. Para conmemorar esta data especial fixemos varias actividades nas aulas de un ano.
Escoitamos o seu poema "Adiós ríos, adiós fontes" en forma de canción, coa que puidemos bailar, e tamén estivemos a escoitar algunhas pezas do disco "Rosalía pequeniña".
Tras ver a foto da escritora pegamos gomets de diferentes formas e cores ao redor da imaxe e por último convertímonos en Rosalía por un intre.
Despedimos a programación do inverno cunha actividade mooooi fría.
Trátase dunha provocación pedagóxica que ten como elemento principal o xeo. Coa axuda dunha gran caixa e diferentes utensilios (culleres, tuppers, pinzas, cucharóns...) xogamos, manipulamos e sentimos o frío do xeo nas nosas mans. Fixemos trasvases duns recipientes a outros e incluso comprobamos como pouco a pouco o xeo íase derretindo.
Hai uns días, falando sobre o xeo, vimos un vídeo dun pingüín moi divertido que pescaba. Non lle saía moi ben a cousa e quedou con fame así que achegouse as nosas aulas para ver se lle botabamos unha man, e a nós eso de axudar gústanos moito. O pingüín marchou do cole co bandullo ben cheo de peixes de cores.
Había moitos peixes e tivemos que meterllos na boca con certa destreza porque se non o facíamos ben o pingüín non comía o peixe. Foi un xogo moi divertido que nos gustou moito.
Como xa sabemos que unha das mellores formas de aprender é mediante a estimulación sensorial preparamos estas actividades sinxelas pero moi enriquecedoras.
Nunha botella metimos cubos de xeo, auga fría e colorante azul. Na outra botella metimos auga moi quente e colorante vermello. Deixamos que manipulen, falando con eles sobre o que sinten e animando a que toquen e agarren, e só con eso conseguimos unha actividade de estimulación coa que pasamos un bo rato.
A outra actividade consiste en facer bolsas sensoriais. Unhas con espuma de afeitar, outra con bolas de algodón e outra con cubos de xeo. De novo deixamos que manipulen e xoguen. E cando o xeo comezou a derretirse puidemos ver a auga!
Aquí podedes ver o ben que o pasaron:
Ca chegada do Entroido volveu a entrar no noso cole o noso famoso Meco. Todolos anos nos da instruccións a seguir. Pode parecer que toleu pero o certo é que cando nos vemos as pintas sempre nos rimos.
Este ano pideu que o luns adornáramos a cabeza. E o cole encheuse de gorros, diademas, lazos...
O mércores tivemos que pintar as nosas meixelas. Coloretes, bigotes de gato, flores, corazóns...
Así de guapos aparecemos!
Por último, para rematar a semana tan tola que nos tocou, fixemos unha festa de disfraces. Pasámolo moi ben!
O outro día fixemos bolas "de neve" con papeis. Xogamos a lanzalas no aire e a tiralas aos compañeiros. Esas mesmas bolas déronnos xogo para dúas actividades máis: un boneco de neve enorme, no que tivemos que lanzar as bolas, e unha caixa que as atrapou e tivemos que sacalas.
Co boneco pasámolo en grande, non nos cansamos de sacar e meter bolas. E, como lanzando non entraban, acabamos por metelas de cerquiña para asegurarnos de que o boneco sempre estivera cheo.
Coa caixa tratábase de sacar polos oquiños que quedaban e fíxemolo moi ben, sacamos todas, pero despois quixemos volver a metelas de novo. E así pasamos o tempo...
Xa que non a neve non ven a nós por estes lares decidimos facer a nosa propia neve más aulas. A receita é ben sinxela: bicarbonato e auga.
Botamos o bicarbonato nunha bandexa ou tina e o seguinte paso é ir engadindo auga poco a pouco e remexer ata conseguir a textura desexada.
Temos que dicir que nos quedou perfecta. Estaba fría como a de verdade e encantounos meter as mans, desfacer boliñas e ata puidemos facer un pequeno boneco de neve!
Algúns pasaríamos o día coas mans nesta neve tan divertida!
Xogando, manipulando, observando son formas nas que coñecemos o mundo que nos rodea. Por iso poder ver, tocar e poñernos libremente prendas típicas do invierno nos axuda a aprender vocabulario como o nome das prendas, as partes do corpo onte se colocan... Ademais coñecemos novas texturas, cores, debuxos.... Sen falar do divertido que nos vemos!
Este pasado luns día 30 de xaneiro festexamos o Día da Paz no cole. Dende os máis maiores ata os máis pequenos puxemos a nosa gotiña para o festexo deste día especial.
Nas nosas aulas pintamos un símbolo da paz, participamos na festa e puxemos as nosas mans no mural que podedes ver estos días na entrada do cole. Porque xuntos construímos a paz!
Aquí vos deixamos un video coas actividades.
Estes días estamos a recibir unhas visitas moi especiais no cole. Dentro das actividades da Semana de animación á lectura as familias tende...
