CREANDO AUGA DE CORES

 Esta é unha actividade que nos encanta. Ten todos os elementos que necesitamos para manternos atentos e expectantes.

Comezamos coa presentación de materiais: botellas baleiras, auga, papel crepé (pinocho) distintas cores.

De un en un imos poñendo un pouquiño de auga na botella, despois collimos un trociño de papel e metémolo pola boca da botella ata que cae na auga. O seguirte pasó, e o máis divertido de todos, é sacudir e mover a botella (xa tapada, por suposto)... e así sucede a maxia!

 A auga, que antes era transparente, agora ten a cor do papel que metimos na botella!

Con este pequeno experimento conseguimos un material moi chulo co que faremos distintas actividades e que a eles lles encanta xa quearticiparon, de forma activa, na súa "fabricación".

Para ver máis fotos pinchade na imaxe. 

XOGANDO CON LANTERNAS

 Comezamos a nosa última programación deste curso collendo como punto de partida o conto "Colores" de Hervé Tullet. Un libro moi divertido, cheo de xogos que nos introduce no mundo das cores, da luz e da arte.

Para comezar a tomar contacto fixemos esta actividade sinxela pero divertida que nos axuda a introducir a escuridade e a ver cómo reaccionan os peques a ela. Nesta ocasión non houbo absolutamente ningún problema e as luces das lanternas movéndose polo espazo  fixeron desta unha experiencia enriquecedora e motivadora.

Para ver máis fotos pinchade na imaxe. 

CIRCUÍTO

Coa eiruga sempre nos divertimos. 

Nesta ocasión atopamos un circuíto psicomotor con diferentes actividades e materiais, cheo das cores da famosa eiruga.

Subir, baixar, levantar os pés,  apartar coas mans... e abrirnos camiño cara o final do circuíto!

E por suposto... repetir!

 

Para ver máis fotos pinchade na imaxe.  

ASÍ MEDRAN AS PLANTAS

 Dentro da nosa programación sobre a primavera temos esta actividade que se desenrola ó longo de moitos días.

Grazas as nosas familias, que sempre colaboran con nós, e que trouxeron vasiños de plástico transparente, fabas e lentellas puidemos levala a cabo.

Comezamos metendo un pouco de algodón  no noso vasiño. O seu tacto, as veces, non nos gusta pero conseguímolo igualmente.

Despois do algodón botamos no vasiño algunhas lentellas e dúas ou tres fabas e, para rematar, un pouquiño de auga. 

Poñemos os vasiños  diante da fiestra para que lles dé o soliño e despois toca esperar.

Día a día imos vendo como empezan a saír as raíces, medran, comeza a brotar algo verde e, cando nos damos conta, saen follas. E día a día botámoslles auga para que sigan medrando ata que as poidamos levar para casiña.

Para ver máis fotos pinchade na imaxe. 

 

PROVOCACIÓN PRIMAVERAL

En todas as nosas programacións podemos disfrutar dalgunha instalación ou algunha provocación pedagóxica. A primavera non ía ser a excepción. O seu colorido e o seu cheiro chegaron ata a nosa escola.

Mediante esta provocación chea de flores puidemos observar e xogar con diferentes flores e follas de plantas. Collimos, cheiramos, rachamos, enchemos.... pero, sobre todo, disfrutamos!

Para ver máis fotos pinchade na imaxe. 

FESTEXAMOS O DÍA DAS LETRAS GALEGAS.

 Mañán, 17 de maio, a nosa comunidade está de festa polo Día das Letras Galegas  Hoxe festexámolo no cole  con música tradicional galega.

Primeiro montamos a nosa propia pandeiretada. As pandeiretas resoaron nas nosas aulas! 

E despois, como recordo, pintamos unha pandeireta con ceras de cores mentras , de fondo, soaban muñeiras e pandeiretadas.

Feliz Día das Letras Galegas a todos e todas!

Para ver máis fotos pinchade na imaxe. 

RESCATAMOS BOLBORETAS.

 A eiruga come  tanto que acaba moi cansa e vaise a durmir. 

Cando esperta e sae da súa "casiña " xa non é unha pequena eiruga, é unha fermosa bolboreta que sae a voar.

Pero nalgún  momento queda atrapada xunto coas súas amigas. Enredadas en fíos,  cordeis e lá, non son capaces de voar así que temos que axudalas.

Pouquiño a pouco coas nosas mans imos desfacendo o emburullo para deixar libres a todas as bolboretas. 

Para ver máis fotos pinchade na imaxe.