Sabemos que a eiruga necesita comer moito para medrar forte.
Con moito tino imos recollendo os alimentos e meténdollos na boca e mentres o facemos imos traballando tamén o vocabulario de alimentos.
Comeu mazá, peras, fresas, laranxas, sandía... e pensamos que quedou ben farta desta vez.
Unha das últimas actividades da nosa programación sobre o corpo consiste en facer unha silueta a tamaño real dun corpo.
Para esta tarefa escollemos a un voluntario que se deita enriba dun papel seguido. Contorneamos o seu corpo e ó erguerse...Maxia! Temos un neno ou unha nena do noso tamaño debuxado.
O seguinte é sinalar na silueta as estremidades e onde deben ir as partes da cara e da cabeza, que debuxa a profe. E por último a parte máis divertida, con ceras de cores coloreamos e garabateamos sobre a silueta.
Non nos cansamos de pintar e pintar, cambiando de cor cando nos apetecía. E, por suposto, expoñemola na nosa parede.
Hoxe, 23 de abril, é o Día do Libro.
Non existe nada que nos guste máis que un bó conto e, hoxe, puidemos disfrutar de varios contacontos.
Primeiro subimos a biblioteca do centro. Quedamos abraiados con tódolos contos que alí atopamos e puidemos botar un vistazo a algún deles. Alí mesmo disfrutamos dos contos "Caperucita Roja" e "Lúa", un conto cantado pola profe Tania.
Despois a profe en prácticas Lucía tamén se animaron a contarnos un contiño, "Cocorico", e por último a profe Alexandra deleitounos cun conto en inglés "Hide-and-seek Pig".
Para recordar este día fixemos un marcapáxinas estampando as nosas mans e dedos.
Durante a pasada semana estivemos coñecendo as nosas mans.
Fixemos diferentes actividades como a observación, diferentes cancións, bolsas sensoriais, pintura, unha caixa sorpresa con diferentes texturas...
E mediante o xogo imos facendo un mapa do noso corpo e fortalecendo coñecementos e habilidades mentras adquirimos outros novos.
A pasada semana comezamos a traballar co conto "O meu corpo" de Ivanke e Mey.
Durante a semana coñecemos a nosa cara e cabeza mediante distintas actividades.
Aquí vos deixamos fotiños dalgunha delas como por exemplo : botes con olor, o noso reflexo e uns masaxes moi relaxantes.
Hoxe festexamos no cole o Día de San Xosé, patrón do noso centro, cunha divertida festa na que o pasamos xenial!
Ademáis de bailar, tomamos uns poucos gusanitos en moi boa compañía e, como sorpresa final, tivemos uns agasallos para as nosas aulas que nos fixeron moita ilusión e que estreamos nada máis volver a clase.
¡Foi un día moi especial!
Sabemos que a eiruga necesita comer moito para medrar forte. Con moito tino imos recollendo os alimentos e meténdollos na boca e mentres o ...
