O outro día atopamos na aula unhas bolboretiñas atrapadas.
Para axudalas tivemos que usar as nosas mans e os nosos dedos para, con paciencia, desenredar cada unha das bolboretas que despois descansaban sobre nós esperando ás súas compañeiras. E como estaban atadas con trozos de lá, lazos e cordeis de diferentes materiais xogamos con texturas moi distintas.
Pouquiño a pouco todas quedaron liberadas e preparadas para poder voar!
Nada mellor para coñecer as necesidades das plantas que velo en directo.
Cun recipiente transparente, algodón, legumes e unhas gotiñas de auga podemos comprobar día a día a evolución do crecemento.
Todos os días saudamos as nosas plantiñas, vemos como comezan a saír as raíces e pouco a pouco o verde asoma e medra.
Botámoslle auga cando o necesitan e deixámolas tranquiliñas xunto a fiestra para que reciban a luz do sol ata que estén listas para levar para casiña.
.jpg)
A natureza é unha gran fonte de estímulos para os nosos peques. Cada estación ofrece siferentes elementos que nos proporcionan oportunidades únicas para fomemtar o xogwo creativo e natural. E, como xa sabemos, a mellor forma de aprender e adquirir novas experiencias e capacidades é o xogo.
Neste caso presentamos unha provocacion pedagóxica chea de flores que nos ofrecían novos olores, diferentes cores, texturas, tamaños...
A esto sumámoslle recipientes, tubos de cartón e algunhas palas, culleres e rastrelos que nos axudaron a incentivar o xogo.
Esta eiruga ten moita, moita fame. Quere comer a todas horas e por iso decidimos axudarlle.
Pouco a pouco fumos introducindo na súa boca as froitas e, mentres tanto, repasamos vocabulario dunha forma divertida.
A semana pasada estivemos de festexo no cole.
Coma sempre, a principios do mes de maio, temos a "Festa dos Maios" coa que nos despedimos do inverno e damos a benvida a primavera.
Como todos os anos, e grazas a participación das familias que achegaron vexetación, puidemos decorar o noso maio.
Por suposto, ao rematar de colocar todo, prestouse un baile arredor do noso maio.
O pasado luns atopamos no cuberto unha instalación sobre a eiruga larpeira.
Esta foi unha instalación cun montón de propostas motrices que nos encantou. Recorrimos as distintas fases unha e outra vez: túneles, zona de saltos, golpear globos, pasar a través de aros ou tiras de papel...
