Seguimos xogando na escuridade, esta vez, con unha provocación pedagóxica organizada con pezas traslúcidas.
Os xoguetes traslúcidos son pezas de diferemtes cores e formas que a luz traspasa creando efectos visuais únicos.
Axudan a desenvolver habilidades sensoriais, cognitivas e motoras mentres exploran e xogan coa luz e as sombras estimulando, tamén, a curiosidade e a creatividade.
Cando comezamos a programacion basada no conto de Hervé Tullet "Colores " pedimos as familias que cada neno e nena trouxera unha pequena lanterna para poder realizar actividades e propostas tan chulas coma esta.
Os xogos con lanterna, na escuridade, son ideais con nenos e nenas. Ofrecen unha motivación para explorar e descubrir o que nos rodea. Nesta ocasión as botellas con auga de cores e o espazo foron os elementos a investigar.
Primeiro usamos as lanternas para iluminar e poder observar todo, despois imos achegándonos e descubrindo que as botellas proxectan a cor no chan, nos teitos e nas paredes. Apilamos, xuntamos, movemos....
A nós a escuridade non nos da ningún medo!
A última das nosas instalacións tratouse dunha serie de propostas cheas de cores.
Tiras de papeis, aros de cores, pelotas, vasos... moitas posibilidades que incentivaban o movemento e a creatividade.
Coma sempre non deixamos nada no lugar no que estaba pero pasamos un tempo marabilloso entre cores.
Como marca a tradición hoxe saltamos a cacharela de San Xoán. A nosa cacharela non queima pero aínda así intentamos saltar sen tocala!
As sesións de psicomotricidade sempre son divertidas: circuitos, carreiras, xogos con pelotas, con aros, baile...
Aquí vos deixamos unha delas, que nos encantou.
Tiñamos que percorrer o cuberto, coller bolas da nosa piscina e correr de novo ata a outra punta para, pouco a pouco, encher o gran tubo vermello.
Cando estaba casi cheo levantamos o tubo e tódalas pelotas botaron a rodar e todas as direccións!
O seguinte paso foi correr detras delas para volver encher o tubo...
