Este martes, 23 de abril, celebrouse o Día do Libro. Por este motivo no cole estamos a celebrar a Semana de animación á lectura. Baixo o lema "Entre letras e culturas" achegámonos ao mundo dos libros e contos. Un mundo máxico que nos atrae, transporta, ensina...
Aínda que a lectura está presente diariamente nas nosas aulas, esta semana estamos a facer actividades diferentes coas que gozamos dos libros.
Chegou a primavera e con ela temos cambios na nosa contorna que non pasan desapercibidos por nós.
Para coñecer esta estación tan colorida o esquío Nin trouxo a unha amiguiña pequena e tipica deste tempo. Falamos de "Unha eiruga moi larpeira" e, como o seu nome indica, esta eiruga ten moita fame. No conto podemos ver como a eiruga crece moito despois de comer e comer así que, para ver de primeira man como crece, fixemos este experimento.
Para comezar observamos que había moitas eirugas de cores. Eran pequenas e estaban quietiñas. Cun par de gotas de auga as eirugas crecían e movían un pouco o seu corpo. Quedamos abraiados!
Fumos moi pacientes esperando o noso turno e observamos como os compañeiros botaban a auga e como reaccionaban todas as eirugas.
Seguimos a coñecer máis o noso corpo.
Desta vez os protagonistas foron os pés. Toda a semana estivemos descalzos: observando, tocando e sentindo os pés.
Cóxegas con pinceis, unha alfombra sensorial chea de diferentes texturas e un camiño de pintura polo que camiñamos, foron algunhas das actividades que nos acompañaron nesta ocasión.
As nosas mans transmiten moitísima información. O sentido do tacto é un dos primeiros transmisores de experiencias e aprendizaxes que temos.
Mediante experiencias sensitivas, cancións e ditos populares estivemos a coñecer máis esta parte tan importante do noso corpo.
Entre as propostas desta semana especial tivemos novas bolsas sensoriais e unha caixa de tesouros coas que estimulamos o sentido do tacto.
Ademáis as familias tamén aportaron o seu graniño de area creando unhas magmificas mans decoradas que podemos ver todos os días na aula!
Este pasado venres tivemos festa no cole. Estivemos festexando o Día de San Xosé, o patrón do centro.
Tivemos unha bonita festa no patio e veu a visitarnos a nosa mascota, que se chama Pepe!
