COMO MEDRAN AS PLANTAS.

 Nada mellor para coñecer as necesidades das plantas que velo en directo.

Cun recipiente transparente, algodón, legumes e unhas gotiñas de auga podemos comprobar día a día a evolución do crecemento.

Todos os días saudamos as nosas plantiñas, vemos como comezan a saír as raíces e pouco a pouco o verde asoma e medra.

Botámoslle auga cando o necesitan e deixámolas tranquiliñas xunto a fiestra para que reciban a luz do sol ata que estén listas para levar para casiña.

Para ver máis fotos pinchade na imaxe. 

PROVOCACIÓN PRIMAVERAL

 A natureza é unha gran fonte de estímulos para os nosos peques. Cada estación ofrece siferentes elementos que nos proporcionan oportunidades únicas para fomemtar o xogwo creativo e natural. E, como xa sabemos, a mellor forma de aprender e adquirir novas experiencias e capacidades é o xogo.

Neste caso presentamos unha provocacion pedagóxica chea de flores que nos ofrecían novos olores, diferentes cores,  texturas, tamaños...

A esto sumámoslle recipientes, tubos de cartón e algunhas palas, culleres e rastrelos que nos axudaron a incentivar o xogo.

Para ver máis fotos pinchade na imaxe. 

AXUDAMOS A EIRUGA

 Esta eiruga ten moita, moita fame. Quere comer a todas horas e por iso decidimos axudarlle.

Pouco a pouco fumos introducindo na súa boca as froitas e, mentres tanto, repasamos vocabulario dunha forma divertida.

Para ver máis fotos pinchade na imaxe. 

O MAIO

 

A semana pasada estivemos de festexo no cole.

Coma sempre, a principios do mes de maio, temos a "Festa dos Maios" coa que nos despedimos do inverno e damos a benvida a primavera.

Como todos os anos, e grazas a participación das familias que achegaron vexetación, puidemos decorar o noso maio. 

Por suposto, ao rematar de colocar todo, prestouse un baile arredor do noso maio.

Para ver máis fotos pinchade na imaxe. 

INSTALACIÓN DA EIRUGA

 O pasado luns atopamos no cuberto unha instalación sobre a eiruga larpeira. 

Esta foi unha instalación cun montón de propostas motrices que nos encantou. Recorrimos as distintas fases unha e outra vez: túneles,  zona de saltos, golpear globos, pasar a través  de aros ou tiras de papel...

Para ver máis fotos pinchade na imaxe. 

VISITAS LECTORAS.

Estes días estamos a recibir unhas visitas moi especiais no cole. 

Dentro das actividades da Semana de animación á lectura as familias tendes a oportunidade de achegarvos un momentiño o cole para contarnos un conto, e estamos recibindo moitas visitas que fan destes días algo especial e diferente.

Agradecemos moito a vosa colaboración!

Para ver máis fotos pinchade na imaxe. 

SEMANA DE ANIMACIÓN Á LECTURA

Este martes, 23 de abril, celebrouse o Día do Libro. Por este motivo no cole estamos a celebrar a Semana de animación á lectura. Baixo o lema "Entre letras e culturas"  achegámonos ao mundo dos libros e contos. Un mundo máxico que nos atrae, transporta, ensina...

Aínda que a lectura está presente diariamente nas nosas aulas, esta semana estamos a facer actividades diferentes coas que gozamos dos libros.

Para ver máis fotos pinchade na imaxe.