Hoxe é o Día das Bibliotecas (24 de outubro), así que , para festexalo, nada mellor que botar man da nosa biblioteca de aula para pasar un bo ratiño vendo contos.
A nosa primeira provocación pedagóxica deste curso veu da man do esquío Nim, que nos preparou esta actividade tan chula chea de cores e elementos típicos do outono.
Con esta provocación movémonos polo espazo do cuberto para descubrir follas, cabazas, mini árbores, piñas e bolsas sensorial con castañas, landras, millo e noces.
Non quedou nin rastro da forma coa que comezou a actividade, todo quedou fora do seu lugar porque o desfrutamos moito.
Os nenos e nenas foron pouco a pouco descubrindo todo o que alí había. Podemos ver caras de sorpresa, alegría...e acuden a nós para ensinarnos tódolos elementos que van atopando.
A mellor forma de aprender novas cousas é polos sentidos.De esta maneira podemos obter moita información do mundo que nos rodea.
Por iso moitas das actividades teñen ese compoñente sensorial.
Neste caso usamos os sentidos para coñecer algúns dos froitos do outono: castañas e os seus ourizos, landras, noces, millo...
Durante a pasada semana estivemos coñecendo as nosas mans. Fixemos diferentes actividades como a observación, diferentes cancións, bolsas ...
