A última das nosas instalacións tratouse dunha serie de propostas cheas de cores.
Tiras de papeis, aros de cores, pelotas, vasos... moitas posibilidades que incentivaban o movemento e a creatividade.
Coma sempre non deixamos nada no lugar no que estaba pero pasamos un tempo marabilloso entre cores.
Como marca a tradición hoxe saltamos a cacharela de San Xoán. A nosa cacharela non queima pero aínda así intentamos saltar sen tocala!
As sesións de psicomotricidade sempre son divertidas: circuitos, carreiras, xogos con pelotas, con aros, baile...
Aquí vos deixamos unha delas, que nos encantou.
Tiñamos que percorrer o cuberto, coller bolas da nosa piscina e correr de novo ata a outra punta para, pouco a pouco, encher o gran tubo vermello.
Cando estaba casi cheo levantamos o tubo e tódalas pelotas botaron a rodar e todas as direccións!
O seguinte paso foi correr detras delas para volver encher o tubo...
O outro día atopamos na aula unhas bolboretiñas atrapadas.
Para axudalas tivemos que usar as nosas mans e os nosos dedos para, con paciencia, desenredar cada unha das bolboretas que despois descansaban sobre nós esperando ás súas compañeiras. E como estaban atadas con trozos de lá, lazos e cordeis de diferentes materiais xogamos con texturas moi distintas.
Pouquiño a pouco todas quedaron liberadas e preparadas para poder voar!
O martes 3 de setembro recibimos nas nosas aulas a os peques que nos van a acompañar durante este novo curso. Comezamos cargados de ilusión...
