O SON DO NADAL

 Así de divertidas son as sesións de psicomotricidade en Nadal. 

Pandeiretas, axóuxeres e maracas para marcar o ritmo do "burrito sabanero " con alegría,  risas e, sobre todo, moito ruido!

Para ver máis fotos pinchade na imaxe. 

UNHA VISITA MÁXICA

Hoxe tivemos unha visita moi especial.

A súa maxestade de Oriente, o Rei Melchor, achegouse ata o cole para saudarnos.

Un día diferente que nos achega a maxia do Nadal!

Para ver máis fotos pinchade na imaxe. 

XOGAMOS CUNHA ÁRBORE DE NADAL

 Nestas datas todo se enche de cor.

A nosa sesión de psicomotricidade tamén se tinguiu de cores. 

Atopamos na aula unha árbore colorida que tiña moitos buratos. Por eses buratos tivemos que meter pelotas de cores ata encher o baúl que tiña debaixo.

Cando o enchimos a seguinte actividade foi tirar todas as pelotas, correr para collelas e, pouco a pouco, ir enchendo de novo o baúl metendo as pelotas nos buratos da árbore.

Pasámolo xenial! 

Para ver máis fotos pinchade na imaxe. 

OS NOSOS AMIGOS

 Todos os que temos animais pretiño trouxemos fotos e algúns datos para que os compañeiros puideran coñecelos.

 Agora, na parede da aula, temos a Trasto, Iris, Dana, Nemo, Nala e outros a quenes podemos ver todos os dias. Sinalamos, dicimos o seu nome, facemos o seu son...

Quedamos encantados deste rinconciño que ten aos nosos amigos favoritos!

Para ver máis fotos pinchade na imaxe 

O MURAL

 Cando o Polo Pepe chegou o cole prometeu ensinarnos cousas dos animais que o acompañan na granxa.

Despois de varias actividades fixemos este muralque colocamos na aula para que os nenos e nenas teñan acceso a el. Mentras a facíamos traballamos , entre outras cousas, o vocabulario.

Agora temos un rinconciño na clase moi agaradable a onde nos achegamos tódolos dias para sinalar, nomear e facer onomatopeias.

Para ver máis fotos pinchade na imaxe. 

FAMILIAS ARTISTAS!

Aquí vos presentamos as magníficas creacións que fixeron as familias co Polo Pepe e que adornan as nosas aulas.

 Os peques están encantados con eles!

Grazas familias pola colaboración!

Para ver máis fotos pinchade na imaxe. 

O POLO PEPE TEN FAME!

 Como xa sabemos o Polo Pepe come moito, pero moito, moito.

E nós axudámoslle a comer meténdolle grans de millo no seu pico. 

Primeiro desgranamos o millo, tivemos que facer forza cos dedos para que se soltaran. E despois cos nosos dediños fixemos o movemento da pinza para agarrar o gran e tivemos que concentrarnos para conseguir metelo polo buratiño. 

Gustounos tanto que empachamos o pobre Pepe!

Para ver máis fotos pinchade na imaxe.